ҚАДР КЕЧАСИ ФАЙЗГА ТЎЛДИ, БИР ВАҚТДА МИНГЛАБ ХАЛҚИМИЗ ҲАҚ ТАОЛОГА ИЛТИЖО ҚИЛДИ
🕌 Аллоҳга шукрки, бу йил Рамазон ойида Наманган вилоятидаги 184 та жоме масжидларимизда хатми Қуръонлар ўқилиб, мўмин-мусулмонларнинг имону ихлоси янада зиёда бўлди. Наманганнинг барча ҳудудларида 27 кун давом этган хатмоналарда халқимиз муҳаббат ила Каломуллоҳга соме бўлдилар. Хатми Қуръонларнинг якуни, бугун 5 апрель оқшомида масжидларимизда Рамазон ойининг йигирма еттинчи кечаси, яъни Қадр кечаси куни хатми Қуръонлар якунланиб, барча масжидларда бир вақтнинг ўзида бир неча минг халқимиз Ҳақ таолога ёлвориб, қўлларини дуога очдилар.
Ўзбекистон мусулмонлари идораси
Наманган вилояти вакиллиги
Матбуот хизмати
